شكرا ع تعبكم وحلولكم المبدعة
انا ساعتها الصراحة مفكرتش غير ف حل واحد بس
هو حل مُضحك شوية :
اني كان فاضلي ع البيت حوالي 6 محطات وطبعا لا يمكن امشيهم والصراحة انا لا يمكن اطلب فلوس من حد مابالك الحد دا معرفوش
فانا فكرت ف فكرة عجيبة :
اني وقفت ع محطة الاتوبيس وانا طبعا عارفة ارقام الاتوبيسات اللي جاية عندنا , فانا كنت بوقف كل الاتوبيسات _ مش ميني باصات _ اللي جاية عندي وبطلع وبركب والاتوبيس بيمشي
طبعا المفروض اني هدفع التذكرة للكمسري اللي قاعد ورا
فانا بسأله قبل مدفع وكان الاتوبيس مشي شوية
هو الاتوبيس دا بيروح المنطقة الفلانية ؟؟ _ وانا عارفة طبعا انه مش بيروحها _
فالكمسري يقولي لا يا ماما انزلي المحطة الجاية واركبي واحد تاني
فقلت ف نفسي الحمد لله مخدش فلوس ونزلت المحطة اللي بعدها
كدة بقي فاضلي 5 محطات
عملت نفس الموقف لمدة 3 محطات كمان
فاضل كدة محطتين بس
قلت اتمشاهم واخلي عندي دم شوية
بس كدة
طبعا بهدلة
بس الصراحة اهون عندي من اني اطلب فلوس من حد
ومجاش ف بالي اي حل من حلولكوا الصراحة
مع انها اسهل كتير من حلي
يلا الحمد لله