أتمنى تعجبكم؟؟ شفت القصيده وحبيتكم تشاركوني فيها



والله اني لو بيغت اعاتبك وابدي عتاب
//.. ابتدي بالبيت اعاتب وانتهي به مدح فيك

ياحبيب الروح أسمع خافق ٍ لك دوم ذاب
//.. ان عتب .! جاتك (فديتك)وان هجى سعده وليك

وأن تضايق قال احبك كل حرفه فيك شاب
//.. وأن بغى يزعل ثواني صار موته له وشيك

هل علمت أن المحبه من فرحها للصواب
//.. أثمن أشياء ملكتني عقب ربي ياشريك

ولابغينا الصدق واللي خالق الإنس بتراب
//.. إنك أغلى من نفس روحي وقلبي يحتويك

لبى والله كل مابك أسقني لذة شراب
//.. من رحيق ٍ ماعدته كود عندك يامليك

ظمني لبى حنانك دامني توًي وشاب
//.. وش يفيد اليا كبرنا غير شوق ٍ يرتويك

خل عنك الناس تكفى جعل عاذلك الذهاب
//.. الله اللي بث حبك وسط جوفي يوم اجيك

ماكذبت ان قلت للعشاق كل الراس شاب
//.. من زهر في وجنتك لو قلت وخـَـر قال ابيك

وماكذبت أن قلت للعشاق لو باصك باب
//.. انفتح لي ألف غيره واهني راحة يديك

احسد كفوف ٍ تلامس كل كلك ياالمصاب
//..وخايف اخدش لالمستك خوف .! من روحي عليك

أنت ياسبحان رب ٍ كملك شيء ٍ عجاب
//.. انت فتنه انت آآفة/كل منهو يرتجيك

بس اب اعرف ويش ربي جابني يم الصعاب
//.. ياهلاكي/ياملاكي /يا معذب مهتويك

لوابوصف نص زينك.؟ وإلا تدري.!( ربع)شاب
//.. شاب قافي(ورد قايل اتق الله حب فيك)