أخي الحبيب أبو أحمد
سلام الله عليك ورحمته وبركاته
هذه بعض المواضيع التي قرأتها للطلاب في أحد المواقع أرجو الأطلاع عليها يمكن حضرتك تتوصل الي أحد أسباب المشكلة التي نعاني جميعا منها
( 1 )
السلام عليكم
موضوع بسيط جدا عن حجات بتحصل معانا في لجنة الامتحان ممكن تكون ظريفه وممكن تخنق الواحد
اول حاجه وانا قاعد المهم صورنا موجوده معاهم في استماره وبيتم مراجعة الطلبه كل لجنه
كلام جميل
في طالب كان متصور وهو مش مربي لحيته
المهم المراقب قاله
س: اسمك
ج : ...........
تاريخ ميلادك
ج :............
المهم تأكد ان بياناته صحيحه
قاله اللجنه الجايه تيجيني حالق لحيتك
المهم الواد قاله ليه
رد عليه وقاله من غير ليه تحلقها وخلاص
المهم قولت لها ياباشا احنا في لجنة امتحان مش في امن الدوله
تخيلوا يرد عليا ويقولي ايه
وانت كمان ياحبيبي اسمك وبياناتك ايه
رديت عليه
قالي طيب اللجنه الجايه تيجي لابس البدله
قولت له البس براحتي
قالي انت صورتك عندنا ببدله تيجيني ببدله
المهم من كتر ما انا مستغرب ضحكت
وقولت (عشت ياريس )
قالي ايه
قولت له لا ولا حاجه
حاجه غريبه جدا جدا
اي واحد بيحصل معاه حاجه زي كده ممكن يتفضل يحكيها لنا عشان نعرف ان التعليم في بلدنا ..........
( 2 ) هههههههههههههه
طيب انا هقولك على حاجة حصلت معايا اول يوم يا كريم ,
انا اسمي الحقيقي شيري هو غريب شوية بس هعمل اية يعني ,
المهم عمونا الحاج الي بيمضي على الورق بيقولي اية دة هو احنا في النادي هنا !! اية شيري دة ,
قولتله اسمي شيري راح قايلي يا سلام !! انتي بتهزري في ثانوية عامة !! وهو شكله اصلا معقد نفسيا ومتبهدل جامد
قولتله يا مستر والله اسمي شيري ممكن تسيبني بقى عشان عايزة اركز واكمل الامتحان راح قايلي يا سلام هو الموضوع بالساهل وريني رقم جلوسك , قولتله برا في الشنطة , راح نادهلي رئيس اللجنة وعملي مشكلة ومش اقتنع الا اما شاف رقم الجلوس .
حاجة شلل اطفال .؟
( 3 )
تصوروا إكتشفت إن الامتحانات بقت بتبدأ9،30
شعارهم ( ليه تنفع الطالب ما دام ممكن تضره )
حاجة تخنق كل إمتحان على دا الحال
ويقولولنا أى شكوى اتصلوا على الخط ساخن
المراقب بعد ربع ساعة يوزع ورق الاجابة ببرود متناهى وينتحايل عليه يجبلنا ورق الاسئلة وناقص نقوم نبوس جزمته وبكل تناكة يقول فى إيه مش كفاية جاينلكو من العباسية
ههههه البنت اللى جبتى بتقولى بصوت واطى (( مهو وااااااااااضح ))
ويتكرم الباشا ويدينا ورق الامتحان .. تعب نفسه أوى
والساعة 12 إلا خمسة يلم الورق
يوم العربى ده كان زى الفل
وأنا أصلا بطيئة جداًً مكملتش النحو وكروت النصوص على الآخر وده يشد الورقة منى
زعقتله ورحت معيطة .. (( أول مرة أعيط فى لجنة الامتحان ))
حسبنا الله ونعم الوكيل
( 4 ) وعندنا الغش من السنة اللى فاتت شغال الله ينور
كل ده علشان عندنا 6 مدارس خاصة بيمتحنوا معانا
والواحد بيستحرم يعمل كده وآخر السنة يلاقى زمايله بالغش جايبين 95 و 96 %
ويارتهم بيغشوا من بعض لا بيفتحوا الكتب والملازم و يدوها كوبى بست حتى بينقلوا الفصلة
مش بيتخيلوا مثلا إنهم هايتحسبوا على اللجان اللى بيسبوها دى
( 5 ) يا جماعة انتم زعلانين من اية !!
طيب انتم متخيلين بقى بنت في امتحان العربي تمتحن على الارض ..
والله ما بهزر هنا في مدرسة اسمها السادات
البنت دخلت اللجنة لقت اسمها مكتوب في الكشف بس مش في ليها ديسك تكتب عليه والمستر بتاعها قالها مش لينا دخل عشان الامتحان كان خلاص دقيقة وهييبدأ وطلبت منه تكلم باباها يجيبلاها كرسي وطربيزة مش وافق ..
والخبر دة قريته في الجرنال على فكرة !!
بزمتكوا دي بني ادمين دي ...
حسبي الله ونعم الوكيل والله
( 6 )
والله كل اللى أنا قريته ده إن دل يدل على إن إنتم اللى فرطو فى حقكم من الأول أنا المراقب كان بيدخل علينا اللجنه إن صوته على وزعق لواحد مننا كنا ممكن نرميه من الدور الرابع أنا المره الوحيده اللى مدرس جه يغتت عليا غتت عشان اسمى فى الآخر السادات قعد يقولى دا مش اسمك أنا هعمل أنا معرفش ايه روح بصص له من فوق لتحت ومطلع البطاقع حططها على الدسك وقايله يلا هوينى ولو سمعت نفسك جنبى تانى متلومش الا نفسك
وعليها معداش من جنبى تانى
( 7 ) انا بأه من سينا
وطبعا المراقبين جايين من بلاد تانيه خالص
وال ايه اكل الاستراحه مش عاجبهم
يقوم واحد منهم يقول لزميلنا والله الاكل هنا مش ولا بد يعنى لو تقدر تعمل حاجه كده من اللى بنحبها
واهو هنفيد بعض ههههههههههههههههههههههههه ههههههههههههههههههههههههه هههه
( 8 )
يا معلم يبقي انت اكيد في مصر
بس بيني وبينك احنا عندنا في المدرسة اللجان حلوة عارف ليه؟؟؟؟
لان يا معلم عندنا المديرة بتصرف لكا استاذ شاي و بسكوت طول الامتحانات وطبعا الاستاذ مش ينفع ينكر الجميل و طبعا مش هي اللي بتدفع لا بتلم تبرعات من الطلبه و ماله وانا باعمل اعادة قيد اتقلب مني 35 جنية تبرع بس بيني وبينك جاي بفايده مع اني مش غشيت ولا حاجة بس اكيد في يوم هاتزنق
وعموما انا واحد صاحبي كلم الاستاذ عالموبايل في اللحجنة و حلل امتحان التفاضل كله بس مش عرف ينقلة رسمة حساب المثلثات فحلله المسىاله بس
سلام
( 9 ) ايه الحاجات ديه .... ايه التشرد الاطفالى ده .... ماطوة ... وارن غزال كمان ...
هو احنا بنمتحن ولا بنحارب يا جماعه ... هههههههه
بس نفس النظام ده بيحصل عندنا ... وانا كل ما الواد اللى ورايا يخبطنى فى ضهرى عشان اقوله حاجة المراقب يقولى خلى عندك دم وساعد زمايلك .... والله والله قلتله نعم يا روح امك ده انا عاوز حد يساعدنى .... الراجل بصلى وهو مذهول .... و سكت زى الكلب ولا قدر يفتح بقه
( 10 ) عليكم السلام ورحمه الله وبركاته
ازيك ياكريم
بص ياصاحبي علشان اقولك المفيد
ف البلد دي حقك ضايع ضايع
وبالله عليك ياخي اتكلم بواقعيه واسمعني بواقعيه
ساعه ما يكون فيه حاجة زي كدا
نفض
نفض
ثم نفض
اعمل عبده هريسه
اللي مش فاهم حاجة ف اي حاجة
لان لو شديت مع شوية الكلاب اللي ماسكين عضمه دول
ممكن تتأخر عن امتحانك
ففكك ياعم والله شوية كلاب علي الولف الكبير بتاعنا
عايزين عضمه ويشبعوا فيها مص
كبر دماغك ياكريم
بلد عايزه الحرق
( 11 ) احنا كنا بنثبت المدرسين بالسلاح السنه اللى فاتت فى مدرسه السلام شبرا
[color=0000FF]أعتقد بكفاية 0000وبدون تعليق
[/color]