السلام على من اتبع الهدى
انا ماني حاجه احكي شي عن وطني فلســــــــطين فشاشات التلفزيون واصوات الراديو افضل مني في تعريف وطني .

انا لاحظت شغله شائعه كثير انو في كثير ناس من البلدان العربيه ما بيعرفوا انو في عرب بيسكنوا ب"اسرائيل " سوري اني ذكرت اسرائيل بس مضطره عشان اوضح قصدي . او الي بيعرفو يفكروا انو العرب " الاسرائيلين" هم جواسيس او هم خونه لفلسطين .والي ما بيفكرو هيك بيفكرونا يهود لمعاشرتنا الهم . الله يسامحكم.
يا اخواني الحقيقه مش هيك . انا عربيه فلسطينيه اسكن في" اسرائيل " وفي كثير عرب على هاذا النحو بعتقد حوالي 4 مليون عربي في "اسرائيل" وعرب "اسرائيل" هم العرب الي تمسكو بارضهم وما هاجروا تحت الضغوطات الصهيونيه عام 1948 .
هوون "باسرائيل " الحياه مش احسن شي في عنصريه نوعا ما بس نحنا مجبورين نعيش في هذه الظروف ومن افضل ما بالحياه ان لكل شيء نهايه . وان نصر الله قريب ان شاء الله.
حبيت اوضح فكره عن بلدي وبس .
شكرا للي قراأ الموضوع وللي ما قرأه للنهايه وللي ما قراه نهائياً .
يلا سلام .

 

 

ان نصر الله لقريب

وان شاء الله ستعود فلسطين المحتلة

 

 

ابناء فلسطيناً صبراً فالله ينفس كربتنا ...... ستعود لنا قدساً داراً وتعود لنا قدسٌ وطنا

هذا مطلع انشودة جميلة دائماً موجودة عندي ف يالسيارة اسمعها في كل وقت وحين وتذكرني باخواننا في فلسطين واحس اني فعلا عايش معهم يوم اسمعها


اختي عبير انا واثق كل الثقة ان الامة الاسلامية ستعود لمجدها وتحكم العالم قريباً انشالله

فمنكم الدعاء ومن الله الاستجابه باذنه

 

 

zsz , الشامخ الراسي أشكركم أخواي على المرور واشكر تضامنكم مع فلسطـــــــطين وشعبها المناضل.
اذا في اراده كل شي ممكن يصير . نحنا كثير بحاجه لنهضه كبيره وشامله للشعب العربي . نهضه يلي ممكن تشيل كل المعتقدات السيئه يلي معششه بدماغنا .احنا كثير بحاجه للوعى ميشان اكثرنا لساتنا أُمين في فهم الدنيا والنظام يلي مجبرين نعيش فيه .
بيني وبينك يا ايام معركة بالعزم والصبر والتصميم انتصرُ

 

 

يا إخواننا جميعا ، كل المحبة والشوق والعرفان والسلام عليكم جميعا
إن العزة والشرف والكرامة التي تتألق عندنا في فلسطين-كل فلسطين ،فهي كل لا يتجزأ ، ولكن ضرورات المرحلة تحتم هذا الوضع- لن يستمر إلا بالتآلف والتوحد من جميع أهلنا وأجبابنا في الشعوب العربية الأحباب فكل التحية لمن لا ينسى فلسطين وهموم فلسطين ونصرة فلسطين وإن النصر والفرج قريب إن شاء الله فأبشري أيتها العبير فإن الثقة بالله فوق كل اعتبار والحمد لله رب العالمين .

 

 

يا ترى اذا كل واحد منا بدأ بنفسه كان صادقاً مع نفسه ومع أهله
ومع الاخرين وأدى واجباته وعرف حقوقه وحقوق غيره

وكان في مكانه المناسب يعرف مايريد ويعرف أن مايريده لن يمس
بمايريد غيره

عندها ستكون كرامته محفوظة وشرفه مصان وسيكون مواطناً
صالحاً يفيد بلده ويرفع علمه عالياً وسنجد طريقة لتضامن البلاد
العربية ومن ثم وحدتها ومن ثم دحر العدوان واعادة الارض الى أصحابها
وبعدها سنثبت قوتنا ونفهم العالم ديننا ونعيد مجدنا الذي أعزنا به الرسول الكريم برسالته الحق الاسٍٍٍٍٍٍٍـــــــــــــل ام

فيا فوز المستغفرين استغفروا الله


:D

 

 

شكرا خالد الصادق على المرور واشكرك zsz على المرور مره ثانيه
قدر كلماتكم كثير وبعرف منيح انها طالعه بصدق منكم . انا اكيده انو النصر والنهضه بيبدأو من هوون من المبادئ هذه الي المفروض تتحول لافعال . انا اكيده انو احنا منقدر نعمل كثير اشياء ورح نعمل ورح نغير بإذن الله .
بارك الله فيكم اخواي.

 

 

أنا محمد من فلسطين _ طالب جامعي _قسم الرياضيات
أشكركم على هذه المشاعر
أرجو منكم ان تساعدوني في ايجاد مواقع الكترونية يوجد فيها حلول للكتب الرياضية الجامعية(اسئلة واجوبة)
وشكرا

 

 

الله يبارك فيكي اختي عبير على هذا التوضيح
وجدا موضوع اجا على الصميم لانو كتير ناس بفكرونا هيك
وخاصة عم عرب ال48 الله يعينا جميعا يا رب

مع التحية
اختكم قمر القدس